Partidu Balun ‘Lohi’ Povu Hodi Hetan Kartaun Eleitorál

Pesoál husi partidu foun balun tun ba bazé hodi rekolla kartaun militantes FRETILIN hodi dehan katak atu simu solar sél, maibé ikus mai sira hakfodak bainhira sira nia kartaun uza ba rejistu partidu.

Militantes Fretilin Fransico da Costa Marçal husi Suku Letefoho, Postu Administrativu Same, Municipiu Manufahi hatete ida ne’e, bainhira  Deputadu Bankada FRETILIN Fransisco Miranda Branco halo kontaktu eleitorál ho militantes sira iha loron (20/12/2015).

“Sira mai rekolla kartaun eleitorál dehan atu simu solar sél, maibé ikus mai ami rona ba rejistu fali partidu,” dehan Fransico da Costa Marçal.

Militante FRETILIN ne’e lamenta tanba hahalok  ne’e lohi povu iha baze ho sasan estadu nian.

Hatan ba preokupasaun ne’e, Deputadu Bankada FRETILIN Fransisco Miranda Branco hatete, FRETILIN fó benvindu ba partidu foun sira ne’ebé mosu.

FRETILIN nudar partidu libertador, Branco dehan, infrenta dezafiu desdé 1975 maibé konsenge duni realize mehi FRETILIN no Povu Maubere nian depois tinan  24 hodi hetan independensia, iha tenpu independensia FRETILIN kontinua hasoru dezafiu  hanesan krize 2016 maske nune’e  FRETILIN hamrik metin nafatin nudar forsa politíka iha Timor Leste hodi kontribui nafatin ba paz no establidade, konstruksaun estadu no dezenvolvimentu nasionál atu liberta povu husi kiak no mukit.

Branco dehan, FRETILIN la hakfodak ho partidu sedeit mak mosu tanba kontituisaun RDTL fó dalan, maibe lamenta kuandu lohi povu.

“Ita hanesan ema ita nia harga  diri (Dignidade) tenki iha, Fretilin la hakfodak ba partidu sesedeit mak mosu,” dehan Branco.

Iha iha sorumutu ne’e Militantes sira mos hato’o sira nia perokupasaun hanesan, problema  veteranu, problema fila rai gratuita husi Ministeriu Agrikultura, problema rekrutamentu funsionariu publiku.

FRETILIN Kontribui Makas ba Paz no Establidade

Durante tinan ualu sai opozisaun iha Timor Leste, Frente Revulusionariu Timor Leste Independente (FRETILIN) kontribui makas paz no establidade no dezenvolvimentu nasional ne’ebé hatudu husi pratika laos diskrusu ka retorika.

Kompara ho governasaun Fretilin iha primeiru governu konstitusional, instituisaun estadu foin hari, orsamentu kada tinan millaun 72 kiik liu kompara ho agora maibé problema mos akontese bebeik tanba ema nunka kontribui.

“Politíka Fretilin mak hakarak lori establidade, kompara deit uluk Fretilin mak kaer ukun, problema hela deit tanba ema nunka kontribui ba Fretilin,” dehan Branco bainhira halo kontaktu ho Militantes sira iha Aldeia Rialau, Suku Letefoho, Postu Administrativu Same, Municipiu Manufahi.

Fretilin kontribui ba paz no establidade maibé kontinua ezije ba governu atu ukun tuir lei no orden, katak buat hothotu halo tenki liu husi regras no prosedementu legal ne’ebé mak vigora iha TL.

ZEESM Sei Benefisia Povu Timor Leste Tomak

Zona Espesial Ekonomia Sosiál Merkadu (ZEESM) nudar politíka alternativa hodi hatama reseita ba estadu iha  futuru bainhira mina rai iha tasi timor maran.

Hanoin katak ita labele fiar deit ba minarai, tanba minarai folin kuandu tun ne’e tun kedas, ZEESM ne’e kontribuisaun ida,” dehan Kamarada Branco bainhira halo kontaktu ho militantes sira iha Aldeia Rialau,Suku Letefoho, Postu Administrativu Same, Municipiu Manufahi (20/12/2015).

 Investimentu ZEESM ne’e iha Regiaun Oecuse Ambeno maibé sei benefisia TL latan tomak, projetu ne’ebé harii iha Oecuse laos hanesan ema hatete ba deit Oecuse maibé projetu ne’ebé atu buka reseita mai povu timor tomak.

Politiku nain balun buka ataka bebeik ZEESM, Branco dehan,  Fretilin hakarak fokus ba servisu hodi hatadu iha rejultadu tanba “A pratica Criteria da Verdade”.

Iha rai barak sira nia dezenvolvimentu avansu makas tanba sira kria zona especial, ezenplu, nasaun Xina nia dezenvolvimentu ne’e haksoit boot ida bainhira sira hamosu projetu hanesan ZEESM lima (5) iha sira nia rain.

Maibé, ZEESM ne’e politíka longu prazu katak agora investe maibé depois tinan 20 resin mak foin hare nia rejultadu.

 TL foin hahu halo investimentu boot mak hanesan, ZEESM, Projetu Tasi Mane, Projetu Jerveza Hera, Projetu Simentu Baucau ne’ebé agora dadauk realize.

Fretilin husu Governu Definé Politíka Nasionál ba Be

Frente Revolusiunariu Timor Leste Independente (FRETILIN) liu husi Bankada FRETILIN iha Parlamentu Nasionál husu sestu governu ne’ebé lidera husi Primeiru Ministru Dr. Rui Maria de Araujo atu definé politíka nasionál ba Be iha rai laran.

Vice Prezidenti Bankada Fretilin, deputadu Fransisco M. Branco hatete, importante tebes Be ba ema nia moris inklui povu TL ne’ebé 80% nudar povu agrikultura.

Ohin loron ema barak perokupa ho mina rai iha kanpu Bayu Undang atu maran iha 2022 no posu Kitang ne’ebé maran ona no posu Greter Sunrise ne’ebé seidauk hetan nia solusaun.

 Branco dehan, povu simplest povu aintanan no  ailebo  ne’ebé moris 80% iha seitor agrikulura sira la perokupa ho minarai tanba sira rasik mos seidauk hetan benefisiu husi minarai ninian, sira perokupa liu wainhira Be maran sira sei la halo aktividade agrikultura.

Tanba ne’e, Branco dehan, governu tenki fo importansia ba Be hodi tau iha politíka nasionál tanba tuir organizasaun mundial FAO fo tiha ona sinal katak too tina  2050 mundu sei tama iha krize Be no Be nia folin sei boot hanesan mos minarai.

“Situasaun ida ne’e hau hanoin estadu liliu governu tenki definé ona politíka nasionál ba Be, ita persija reserva Be iha ita nia planeta sira sira ne’e, ita perokupa Be ba uma hotu, eskola, postu saude ospitais, no se karik bele iha difinisaun ida ba uma hotuhotu tenki iha instalasaun atu reserva Be ba momentu ne’ebé defisil, ita la persija hein tenpu krizé ona mak ita foin hanoin,” dehan Braco iha debate OJE 2016 foin lalais.

Ezenplu hanesan, nasaun Israel ne’ebé iha tenpu hirak liu ba kotuk, iha difisente bo’ot ba Be, maibé sira Bele ultrapasa ona ba situasaun ida ne’e, hanesan mos Brazil ne’ebé iha reserve Be bo’ot iha mundu maibé sira iha ona politíka ba Be.

Hare husi esperensia sira ne’e, governu tenki definé politíka nasionál Be atu hare ho siriedade ba situasaun Be iha TL.

“Hau la perokupa ho minarai atu maran maibé hau peerokupa ho Be karik maran mak ita sei mate,” dehan Branco.

Realidade mak hanesan nasaun maun alin Cavo Verde laiha minarai sira sei moris, TL iha rekrusu barbarak tanba ne’e TL laBele tama iha situasaun alarme minarai atu maran.

“Hau hanoin la persija ita tama iha situasaun ida ne’e, ita nia pais riku tebes, ita nia rekrusu barak tebes , seitor agrikultura, seitor pekuaria, seitor turismu ne’ebé hau hanoin Be mak ita nia perokupasaun principal agora estadu nian,

PN Aprova OJE 2016, FRETILIN Husu Implementa Tuir Lei no Hametin Kordenasaun

Parlamentu Nasionál aprova iha final global orsamentu jerál estadu 2016 ho totál Billaun $1. 562 233 ho votu afavór 64 kontra zero no apstensaun zero.

Bankada Fretilin liu husi Kamarada Antoninho Bianco iha deklarasaun hatete, tinan ida ne’e nudar tinan dala 13 wainhira sura husi restaurasaun 20 Maio 2012.

Durante restaurasaun independensia Timor Leste gasta ona osan billoens $8 resin, esfórsu sira ne’ebé halo gestaun oi-oin hanesan kriasaun  fundu petrolifeiru atu bele asegura estadu no povu Timor Leste nia moris.

Esfórsu hirak ne’e halo  ho objetivu prinsipál ida deit, hanesan kauza komun ne’ebé Timor oan hotu asumi responsablidade mak atu halakon kiak no mukit.

Ba tinan 2016 kontinua aloka osan atu halo dezenvolvimentu hodi hametin establidade, paz no dezenvolviementu atu nune’e bele hatutan nafatin prosesu dezenvolvimentu hodi valorize  nia heroi sira ne’ebé fó sira nia vida ba luta libertasaun Nasionál.

Prosesu ba oin ne’e, Kamarada Bianco dehan, Orgaun soberania sira hotu hahu husi Prezidenti Republika, Parlamentu Nasionál, Governu no Tribunal asumi nia papel hodi halo dezenvolvimentu ba rai no povu Timor Leste.

Fretilin hanesan opozisaun kontinua fó hanoin ba governu atu governante ida- idak tenki define liña politika ida klaru, hametin liña kordenasaun ida ne’ebé diak hodi hametin planu dezenvolvimentu integradu, hafórsa instisaun estadu no valoriza sira nia servisu.

Ba governante sira tenki ukun tuir lei no regras ne’ebé vigora, aplika sansaun ba ema sira ne’e kontra ukun no regra ne’ebé vigora iha Timor Leste.

Tribunais sira tenki halo justisa tuir konstituisaun no lei haruka, PNTL ho F-FDTL tenki servisu hamutuk hodi garante siguransa no deféza ba povu TL.

Husu entidade hotu no povu Timor Leste laran tomak atu tau matan ba servisudores estadu, atu nue’e servisu hotu tuir regras ne’ebé iha.

Aluta Kontinua para Vitoria do Povu!!!!!!!!!!!!!!

Governu Tenki Halo Auditoria ba CNE

Parlamentu Nasionál, liu husi bankada Fretilin husu halo auditoria ba Comisaun Nasionál das Eleisoens (CNE) tanba laiha disiplina ba ejekusaun orsamentu jerál estadu 2015.

Xefe Bankada Fretilin, Kamarada Deputadu Aniceto Guterres hatete, ejekusaun orsamental jerál estadu 2015 iha CNE liliu iha kapital Bens Servisu balun ejekuta  to’o prosentu 1060.

 “Despeza ba operasional mak 1060%, komesa husi lokal travel 182%, viagen estrangeiru 380%,” dehan Kamarada Aniceto iha debate OJE 2016 loron (18/12/2015).

Aniceto preokupa, CNE foti osan husi ne’ebé? lei jestaun finanseiru fó dalan, maibé 1060% ne’ebé liu tiha ona 20%.

 “Hau hanoin Primeiru Ministru buat kestaun disiplina orsamentál, jestaun ne’e halo nusa,” dehan Aniceto.

Maske CNE nudar instituisaun independente, maibé  governu labele husik instituisaun ida-idak lao tuir nia hakarak, tanba  intermus jestaun finanseira laiha disiplina.

“Hau hanoin tenki hare didiak buat ruma iha ne’eba lao lalos, I persijamente halo auditoria ruma iha ne’eba,” dehan Aniceto

Deskonfia CNE uja fali osan ba eleisoens suku tinan 2015 ne’ebé  adia tiha ona.

“Tinan 2015 ne’e, nein eleisaun ida iha, se eleisaun ruma iha karik despeza operasional ne’e bele boot, dala ida tan jestaun ne’e ladiak, ami hare mall gastu ne’e barak iha ne’e,” dehan Aniceto.

Ministeriu Turismu Labele Abandona Foho Ramelau

Foho Ramelau  potensia bo’ot hodi dada turista nasional no internasional atu ba vizita tanba ne’e Ministeiru Turismu tenki iha planu ida diak hodi dezenvolve nune’e bele hatama reseita ba estadu

Kamarada Deputadu Joaquin do Santos Boraluli hatete, Ministeriu Turismu iha tinan 2016 tenki hanoin ona atu halo buat ruma iha areador Foho Ramelau nian hodi  hadia fatin iha ne’eba.

“Hau husu ba Ministeiru Turismu saida mak 2016 husik hela konaba aredor Foho Ramelau, Hatubuiliku ne’e potensia turismu, ministeriu hanoin ona atu halo buat ruma iha fatin ne’e?,” dehan 

Kamarada Joaquim iha debate espesialidade OJE 2016 loron (17/12/2015).

Iha parte seluk Arte Kultura, Kamarada Joaquim dehan, importante Ministeiru Turismu atu  identifika ona grau de kualidade artetisku hodi prozesaun ba dezenvolvimentu para bele fo reseita.

Fretilin Ezije Kontrolu Rigoroju ba Kompañia Fornese Mina EDTL

Bankada Fretilin, liu husi Kamarada Deputada Josefa Pereira husu governu atu halo auditoria no kontrolu ida masimu ba kompaña ne’ebé fornese mina ba Sentrál Elitrisidade Betano.

“Governu tenki halo kontrolu rigorogu ba kompañia sira ne’ebé manan tenderizasaun hodi fornese no hatama mina ( sentrál EDTL),” dehan Kamarada Josefa iha  debate espesialidade OJE 2016 iha loron (17/12/2015).

Kamarada Josefa dehan, bainhira governu halo kontrolu ida rigoroju bele evita mall gastus no halo poupansa ba osan estadu.

Razaun tanba, hetan keixa katak kompañia ida ne’ebé hatama mina ba iha Sentrál EDTL Betanu nian ne’e deskarega mina sein (la) uja makina ida flow meter,” dehan Kamarada Josefa.

Informasaun sira ne’e halo duvida ba publiku tanba dala ruma kompañia deskarega mina  la tuir kuantidade ida ne’ebé nia asina, maibé  governu  fulan- fulan selu tuir saida mak asina iha kontratu.

Tanba  ne’e, Kamarada Josefa governu tenki halo kontrolu ida rigoroju no halo auditoria.

“Hau sujere katak senhor Primeiru Ministru se bele halo auditoria ida , ba kompañia ne’ebé suplay mina ne’e, nomos pagamentu ba mina ne’e, para to’o tenpu ida sira lori invoice ou faturas mai la bele prejudika kustu ba iha estaudu,” dehan Kamarada Josefa.

Hatan ba kestaun ne’e, Vice Ministru Obras Publika Transporte Telekomonikasaun Januario Pereira hatete, kontrola mina agora rigoroju tebes, wainhira de sentrál  EDTL Hera no Betanu Remata.

“Se tula deit ho kareta ita ba dasi uluk, depois ba flow meter para depois halo balansu, se tula ho Ro, Ro mos iha flow meter ita nia sentrál mos iha flow meter, se flow meter laiha ita sei halo kalklu do mes, kada jerador gasta 62.500 litrus,” dehan Januario.

Aviaun Timor Leste Sei Halo Operasaun ba Maliana, Suai no Atauro

Sekretariu Jeral Partidu FRETILIN, Dr. Mari Alkatiri hatete, iha tenpu besik Aviaun ne’ebe TL iha,sei halo operasaun ba Municipiu Maliana, Suai no Postu Administrativu Atauro.

“Aviaun atu hahu ona atu ba Maliana atu ba Suai atu ba Atauro semana ida ne’e,” dehan Kamarada Mari Alkatiri iha debate espesialidade OJE 2016 bainhira Deputadu Jorge Teme kestiona konaba Aviaun ne’ebe TL agora iha.

Tanba ne’e, Kamarada Mari dehan, Aviaun ne’e laos ba Oekuse deit, maibé sei ba Municipiu Manufahi maibé sei ba halo inspeksaun ba pista Aviaun Manufahi, sei halo inspeksaun ba Pista Vikeke no Lauten nian, para hahu halo operasaun ba Municipiu sira ne’e hotu.

Municipiu Baukau, Kamarada Mari dehan, persija rehablita pista ne’e hodi nune’e Aviaun bele halo operasaun.

Kamarada Mari dehan, nia ba Oekuse atu halo dezenvolvimentu hodi hadia povu nia moris.

“Hau la ba Oekuse para atu halo povu Oekuse sai vitima, hau ba Oekuse para ajuda hadia povu Oekuse nia vida,” dehan Kamarada Mari.

Knar ne’ebe Kamarada Mari simu nudar misaun foun tanba kumpri konstituisaun RDTL, atu kaer Oekuse para atu sai zona especial ida no regiaun administrative especial, Kamarada Mari dehan,  laos nia mak husu.

“Se koalia povu Oekuse, hau mos kuñese diak povu Oekuse I hau servisu ho povu hau lao tama uma sai uma para halo dialogu ho povu ho familia tomak,” dehan Kamarada Mari.

MAP Hadia Traktor Boot 240 no Sei Buka Tuir Hand Traktor

Ministru Estadu Kordenador Asuntu Ekonomikus no Ministru Agrikultura Esatanislao Aleixo da Silva hatete, Ministeriu Agrikulura  halo ona manutensaun ba traktores boot hamutuk 240 no sei investiga hodi buka tuir  hand trakor ne’ebé fahe ona tanba individu balun uja hanesan sasan privadu nian.

“Agora ami konsege halo manutensaun ba 240 traktores  ami konsege hadia,  no 240 traktores funsiona atu apoio agrikultor sira,” Ministru  Estadu Estanislao  dehan ida ne’e iha debate Jeneralidade OJE 2016 iha PN (16/12/2015).

Ba Traktores kiikoan , Ministru Estadu Kordenador Asuntu Ekonomiku no Ministru Agrikultura Peskas ne’e dehan, MAP sei buka tuir nafatin.

“ Hand traktor  balun diak, balun a’at no balun sai tiha ona propriadade privada ema nian, uluk fahe ba grupu maibe sai tiha ona proriadade individual,” dehan Ministru Estanislao. 

TL Labele Sai Fatin Hodi Produz Diploma

Bankada FRETILIN liu husi Kamarada Fransisco Branco husu Ministeriu Edukasaun atu hare reformula politíka edukasaun iha rai laran hodi nune’e  produs rekrusu umanu ne’ebé kualidade no kria servisu ba nia an rasik inklui bele kompete iha merkadu de tranballu.  

“Too tenpu ona,  governu reformula de edukasaun iha ita nia pais atu nune’e ita nia rekrusu umanu sira ne’ebé sai husi ne’eba (universitariu), atu sira rasik bele buka servisu ba sira nia an, ou sira pronto atu ba kampo de traballu,” dehan Kamarada 

Branco iha debate espesialidade OJE 2016 iha loron (16/12/2015).

Kamarada Branco preokupa tanba durante ne’e  estudante barak mak remata sira nia kursu iha Universitariu maibe kualidade sei sai kestaun bo’ot.

 “Ita nia universidade sira tinan-tinan produs , ita nia nasaun ne’e hari industria bo’ot ida mak produs kanudu no fahe kanudu, ka fahe diploma,” dehan Branco.

Iha parte seluk, Kamarada Branco apresia politíka governu nian atu investe iha jardin invatil tanba prosesu aprendizajen iha nasaun barak, komesa husi jardin  infantil, iha ne’eba mak dezenvolvimentu rekrusu umanu hahu no  halo formasaun ba futuru ema ne’ebé atu kaer nasaun ne’e ba oin.

Hatan ba kestaun ne’e, Ministru Estadu Asuntu Sosial no Ministru Edukasaun Antonio de Conceição hatete, politíka reformulasaun edukasaun iha prosesu laran atu hare no deskute konaba dezenvolvimentu politíka nasional  ba edukasaun.

Dalan seluk mak, Ministru Estadu Antonio dehan, halo konversaun ba Eskola Secundariu Jerais ba Tekniku Vokasionál.

“Hanesan konversaun eskola Sencudariu Jerais ba Tekniku Vokasionais  ho intensaun ida, atu eskola vokasionais ne’e bele hanorin ona estudante sira abilidade tekniku hodi nune’e sira bele dezenpaña sira papel iha sosiedade,” dehan Antonio

Entertantu OJE  2016  ba Ministeriu Edukasaun hamutuk milloens $100,613 mill ne’ebé fahe kapital salariu vensimentu millaun $56,510 mill, bens servisu millaun $41,044, transferensia publika $2,709, kapital minor $350 mill.

Orsamentu Ministeriu Edukasaun pasa iha votasaun ho votus afavor 63, kontra zero no apstensaun zero.

Bainhiara mak Implementa Desentralizasaun?

Bainhira los mak implementa Dezentralizasaun? Pergunta ne’e ofrese husi deputadu Bankada FRETILIN Kamarada Antoninho Bianco iha debate espesialidade orsamentu Jerál estadu 2016 (16/12/2015).

Iha parte seluk, Kamarada Bianco mos husu konaba estutu suku ne’e ba oin, halo nusa? Serake iha hanoin ruma iha futuru, suku sira  bele jere rasik osan ruma atu halo dezenvolvimentu iha suku laran.

Tuir Kamarada Bianco katak, organisaun suku ne’e hari kleur tiha ona, maibe agora buat hothotu mai husi nivel nasional.

Hatan ba kestaun ne’e, Ministru Estadu Kordenador Asuntu Administrasaun Estadu no Justisa Dr. Deonisio Babo hatete, prosesu reforma administrativa lao hela, agora  perparasaun kuadru legal no perparasoens teknika.

Iha prosesu ne’e, Babo dehan,  fahe ba parte rua, primeiru tinan ida ne’e Konselhu Ministru finalize estutu administrasaun municipal nian no tama ba prosesu dezkonsentrasaun.

“Fin 2016 sei halo avalisaun geral hodi hare kondisaun minimu konaba implementasaun prosesu dezkonsentrasaun, depois mak dezentraliza maibe prosesu hotu sei lao faziadamente,” dehan Babo.

Gestaun ba orsamentu iha Suku, Babo dehan, durante ne’e implementa liu husi programa PNDS .

“Sira (suku) aprezenta planu no programa mai nasional hodi deskute hare no aprova maibe sira kontrola projetu sira ne’e no la involve direita,” dehan Babo

Orsamentu tinan 2016 aloka ba Ministru Estadu Kordenador Asuntu Administrasaun Estadu no Justisa, hamutuk $664 fahe ba kategoria salariu vensimentu $142 mill, kategoria bens servisu $507 mill, kategoria kapitál menor $15 mill.

Entertantu Orsamentu ba  Ministru Estadu Kordenador Asuntu Administrasaun Estadu no Justisa pasa ho votu afavor 62, Konra Zero no Apstensaun Zero.

Timor Oan Uja Pasaporte Estrangeiru Sai Asesor, “La Merese Hela iha Timor Leste”

Timor oan sira ne’ebé uja pasaporte estrangeiru hodi sai asesor iha instituisaun governu hodi hetan salariu bo’ot , sira la merese hela iha Timor Leste.

Deputadu Bankada FRETILIN Kamarada David Dias Mandati kestiona asuntu ne’e iha debate espesialidade Orsamentu Jerál Estadu 2016.

Tuir Mandati, Timor oan hirak ne’e, bainhira atu sai Membru Governu sira uja pasaporte TL maibe depois mandate hotu sai fali asesor sira uja pasaporte internasional para hetan salariu boot.

“Ema sira hanesan ne’e laiha fatin iha ne’e (Timor Leste),” dehan David Dias Ximenes Mandati

Tanba ne’e, Kamarada Mandati husu Primeiru Ministru Dr. Rui Maria de Araujo atu establese padraun nasional ida  konaba salariu ba asesor sira.

Estrada Rurál Labele Halo iha Kapitál Dili

Diskusaun Espesialidade Orsamentu Jerál Estadu 2016 kontinua iha loron 16 Dezenbru 2015, iha diskusaun Deputada Bankada FRETILIN, Kamarada Ana D. C. Ribeiro perokupa makas konaba tipu empregu ne’ebé mak SEPFOPE durante ne’e kria hodi fo servisu ba komonidade inklui programa Estrada rurál ne’ebé dala ruma halo iha kapitál Dili nudar kapitál nasaun nian.

Tuir Kamarada Ana katak, Estrada rurál tenki ba halo iha area rurál ne’ebé kondisaun ladiak hotu inklui povu barak seidauk asesu ba Estrada labele loke fali iha kapitál Dili.

Iha fatin hanesan, Kamarada Deputadu Manuel Gaspar kestiona Estrada rurál sira ne’ebé halo ho programa $3, komonidade sira kee deit ho material manual, maibe planu kontinuasaun laiha bainhira udan Estrada sira ne’e Be lori no estraga hotu.

Tuir Kamarada Gaspar katak, politika ida ne’e kontra tebes politika poupansa tanba la efisiensia no efikasia.

Hatan ba kestaun ne’e, Sekretariu Estadu SEPFOPE Elidio Ximenes hatete, programa Estrada rurál atu halo konstruksaun ba Estrada rurais no halo manutensaun ba esgotu inklui turismu komonitariu, atu realize sempre iha kordenasaun ho Ministeriu Turismu no Obras Publika.

Ba tinan 2016,  Elidio hatete, programa auto impregu sei kontinua iha  atu hakibiit ekonomia familia sira iha area rurál.

OJE ba Sekretariu Estadu Politika Formasaun Profesional Empregu (SEPFOPE) ho total millaun $13,188 ne’ebé fahe kategoria salariu vensimentu millaun $1,327, kategoria bens servisu millaun $3, 029, kategoria transferensia publika millaun $9,152 no kategoria kapitál menor $10 mill.

Iha votasaun, OJE ba SEPFOPE pasa ho votus afavor 62, kontra zero no apstensaun zero.

Estrada Rurál Labele Halo iha Kapitál Dili

Diskusaun Espesialidade Orsamentu Jerál Estadu 2016 kontinua iha loron 16 Dezenbru 2015, iha diskusaun Deputada Bankada FRETILIN, Kamarada Ana D. C. Ribeiro perokupa makas konaba tipu empregu ne’ebé mak SEPFOPE durante ne’e kria hodi fo servisu ba komonidade inklui programa Estrada rurál ne’ebé dala ruma halo iha kapitál Dili nudar kapitál nasaun nian.

Tuir Kamarada Ana katak, Estrada rurál tenki ba halo iha area rurál ne’ebé kondisaun ladiak hotu inklui povu barak seidauk asesu ba Estrada labele loke fali iha kapitál Dili.

Iha fatin hanesan, Kamarada Deputadu Manuel Gaspar kestiona Estrada rurál sira ne’ebé halo ho programa $3, komonidade sira kee deit ho material manual, maibe planu kontinuasaun laiha bainhira udan Estrada sira ne’e Be lori no estraga hotu.

Tuir Kamarada Gaspar katak, politika ida ne’e kontra tebes politika poupansa tanba la efisiensia no efikasia.

Hatan ba kestaun ne’e, Sekretariu Estadu SEPFOPE Elidio Ximenes hatete, programa Estrada rurál atu halo konstruksaun ba Estrada rurais no halo manutensaun ba esgotu inklui turismu komonitariu, atu realize sempre iha kordenasaun ho Ministeriu Turismu no Obras Publika.

Ba tinan 2016,  Elidio hatete, programa auto impregu sei kontinua iha  atu hakibiit ekonomia familia sira iha area rurál.

OJE ba Sekretariu Estadu Politika Formasaun Profesional Empregu (SEPFOPE) ho total millaun $13,188 ne’ebé fahe kategoria salariu vensimentu millaun $1,327, kategoria bens servisu millaun $3, 029, kategoria transferensia publika millaun $9,152 no kategoria kapitál menor $10 mill.

Iha votasaun, OJE ba SEPFOPE pasa ho votus afavor 62, kontra zero no apstensaun zero.

PN Debate iha Espesialidade OJE 2016

Parlamentu Nasionál hahu halo diskusaun iha espesialidade orsamentu jeral estadu 2016 hafoin Komisaun Eventual durante loron tolu, halo tiha analize no deskute ba proposta alterasaun orsamentu jeral estadu 2016. Iha komisaun Eventual deputadu Parlamentu Nasionál aprezenta proposta alterasaun hamutuk 59,  iha proposta 13 ne’ebé la admite no 46 mak admite hodi halo analize no diskusaun.

Iha loron 15 fulan Dezenbru 2015, Komisaun Eventual aprezenta nia relatoriu iha Plenaria Parlamentu Nasionál hodi halo deskusaun no aprovasaun iha espesialidade.

Loron primeiru diskusaun espesialidade Parlamentu Nasionál aprova ona, orsamentu 2016 ba Prezidenti da Republika ho totál millaun 6, 800 ne’ebé fahe ba salariu vensimentu $799 mill, bens e servisu millaun $5,851 mill, kapital menor $150 mill.

Iha loron ne’e, Parlamentu Nasional aprova mos orsamentu 2016 ba Parlamentu Nasional ho totál orsamentu  millaun 15,167 ne’ebé fahe ba  salariu bensimentu millaun $4,713 mill, bens e servisu millaun 8,913 mill, transferensia publiku $930 mill, kapital menor $611 mill.

Iha tenpu hanesan Parlamentu Nasional aprova orsamentu 2016 ba Gabineti Primeiru Ministru ho totál orsamentu millaun $13,073 ne’ebé fahe ba kategoria salariu vensimentu $84 mill, kategoria bens e servisu millaun $3,066 mill, kategoria transferensia publikas millaun $9,884, kategoria kapital menor $40 mill.

Entertantu orsamentu 2016 ba Ministru Estadu Prezidensia Konselho Ministru, inkluidu Secretariu Estadu Konselhu Ministru, Sekretariu Estadu Asuntu Parlamentares no Sekretariu Estadu Komonikasaun Sosial hamutuk millaun $12,185 ne’ebé fahe ba kategoria salariu vensimentu millaun $1,907, kategoria bens servisu millaun $4,915, kategoria transferensia publiku millaun $ 2,079, kategoria kapital menor $3,284.

Iha parte seluk orsamentu 2016 ba Ministru Estadu Koordenador Asuntu Sosial totál $1,552 fahe ba kategoria salariu vensimentu $ 208 mill, kategoria bens servisu $644 mill, kategoria transferensia publika $ 600 mill, kategoria kapital menor $100 mill.

Sekretariu Estadu Apoio Promosaun Sosiu Ekonomiku Feto iha tinan 2016 aloka osan hamutuk millaun $1,673 ne’ebé fahe ba kategoria salariu vensimentu $ 274 mill, kategoria bens servisu millaun  $ 1,110, kategoria transferensia publika $263 mill, kategoria kapital menor $26 mill.

Sekretariu Estadu Joventude no Deportu tinan 2016 aloka osan hamutuk millaun $7,950 ne’ebé fahe ba kategoria salariu vensimentu $467 mill, kategoria bens servisu millaun $1,753, kategoria transferensia publiku $5,700, kategoria kapital menor $30 mill.

Entertantu  iha loron 16 Dezenbru 2015, Parlamentu Nasionál sei hahu debate no deskute fali orsamentu ba ministeriu seluk, tuir ajenda ne’ebé iha.

INKONTRU BANKADA FRETILIN HO IGREZA

 

Delegasaun Bankada FRETILIN Halo inkontru ho Bispo Diocese Baukau/Dili no Maliana.

INTERVENSAUN BANKADA FRETILIN DEBATE JENERALIDADE OJE 2016

DEBATE OGE 2016

INTERVENCAO INICIAL BANCADA PARLAMENTAR FRETILIN

Obrigado e muito Bom dia Sr. Presidente Parlamento Nacional e Caros Colegas Deputados,

Sr. Primeiro Ministro ho nia elenco governativa, Bemvindo iha Parlamento Nacional,

Ecxelencias,

Ohin, iha uma fukun Parlamento Nasional ida ne’e, ita hahuu’u dadaun ona debate generalidade OGE 2016 nian. Ne’e debate ba dala hat OGE nian iha ambiente no postura politika ida n’ebe partidos políticos ho asentu parlamentar ho nia bancadas parlamentares, oposição ka bancadas partido governo nian, buka intende malu no servisu hamutuk atu resolve problemas nacionais no kontribui ba  desenvolvimento nacional.

Nuene’e, debate orsamentu 2016 ne’e importante tebes no sai hanesan oportunidade ida atu ita hotu tau hanoin hamutuk hodi hare no buka solusaun ba problemas nacionais, no oin sa ultrapassa desafius sira konaba economia Timor-Leste.

Excelencias,

Governo prepara OGE 2016 iha momento ne’ebe conjuntura mundial ida ho presu minarai kada barril tun maka’as no afeta ba economia paizes iha mundo, enkuantu despesas estado tinan-tinan kuaze totalmente depende ba resitas hosi minarai ka Fundo Petrolifero.

Situasaun ida ne’e duni maka obriga Governo Timor-Leste halo rasionalizasaun ba estado nia despesas, maibe rasionalizasaun laiha significado tanba tun uitoan ka kuaze mantein tetu orsamental 2015.  Governo tenta duni atu hatun ba $ 1.3 biliaun, maibe no final hasae fila fali tanba kompromisu atu halo investimento barak liu tan iha áreas chaves hanesan infraestruturas no Desenvolvimento Capital Humano.

Biar aumenta tan iha despazas capital nian, maibe se Governo consistente no aplika ho rigor politika eficiência no eficácia iha preparasaun plano no orçamento, governo sei bele hamenus osan barak hosi despezas rekorentes particularmente iha bens e serviços ne’ebe durante ne’e hamosu desperdisius ka gasta narnaran deit no benefisiu ka aproveitamentu laiha ka uitoan deit. Nune’e reforsa liu tan política poupança, ke no fim bele halo tetu orçamental tun liu tan.

Hanesan Exemplo ida, deslocações ka viagem ba estrangeiro iha institusoes estado hotu atu atende covites ka capacitação servidores estado nian, maibe  ho delegação ka numero bot. Ne’e, too ona tempu atu defini politika ida mais adekuadu no reduz despesas significativamente. Ita nia diretores, membros do Governo, deputados no servidores estado sira seluk, halo viagem ba rai liur mak barak liu do que servi estado iha rai laran, enkuanto Povo iha rai laran iha áreas remotas no áreas izoladu, la dun senti presença estado nian iha sira nia hela fatin atu hetan informasaun no orientasaun oinsa atu hadia sira nia moris. 

Tinan-tinan, ita nia orçamento ba despesas rekorente excluindo FDCH no transferências ba ZEESM, bot liu mais de dobro hosi despesas de capital. Situasaun ida ne’e hatudu katak ita konsume barak liu do que investe atu hetan retorno económico no social. Ne’e sai desafio bot ba Governo, atu oinsa maka halo equilibro entre despesas oin rua ne’e, ka oinsa inverte situasaun ida ne’e katak despesa capital mak sei bot liu despesa recorrente.  

Excelencias,

Teto orsamental tinan ne’e laiha diferença significante kompara ho tetu orsamentu tinan hira ba kotuk, no nia tendensia atu aumenta ka sae, bot liu tan  to’o 2020, tuir governo nia previzaun rasik. Nune’e mos défice fiscal nao petrolífera (isto ee reseitas domesticas menus despesas) kontinua bot nafatin, ke halo ita se la recorre ba imprestimo, dalan ikus tenke recorre ba RSE no levantamento excessivos hosi fundo minarai, ke no fim dependência ba fundo minarai bot nafatin.  

Maibe fontes rekursu ba finansiamentu despesas estado ida ne’e hatudu situasaun ida contrario ka oin seluk tebes. Folin mina tun maka’as no laiha serteza atu recupera, ke afeta tetebes RSE. Reseitas minarai hosi kampu Bayu Undan hahu tun ona drasticamente no to’o 2022 ita sei hetan osan mais de $1 biliao deit. Posu foun iha área JPDA no área exclusiva seidauk descobre.

Maske iha estudu balun hatudu katak iha ona posu lubuk ida, maibe seidauk hatene bainhira maka halo esplorasaun. Posu balu ne’ebe hetan ona,  seidauk halo perfurasaun tanba kompania mina ladun iha interesse atu investe tanaba kustu bot no mina nia folin tun. Investimento fundo minarai iha mercado financeira mos iha risku maka’as no iha 2015 ne’e lakon osan lubun ida.

Campo greater Sunrise mak projeto ida kontinua la iha serteza, tanba ita nia capacidade negociação la suficiente no sei iha aspeto legais no política lubuk ida mak tenke considera, aumenta tan ho problema fronteiras marítima nian halo situasaun incerteza liu tan. La hatene bainhira maka ita bele dada pipeline mai ita nia rai, maibe Projeto bot Tasi Mane avansa  dok liu tiha ona.

Imprestimo hanesan fonte rekursu ida  ba financiamento despesas ba infraestruturas basicas, maibe hamosu tusan ka divida neebe maske nian funan kiik liu, futuramente tenke selu. Tinan-tinan divida publika aumenta ba bebebeik. Tuir plano governo nian, to’o 2020 Timor-Leste sei halo dividas publicas hamutuk $ 1,113,4 milhoes. Politika dividas ita opta tanba dividas ne’e konsesional ho taxa de jurus kiik liu, maibe to’o tinan 2020 taxa de jurus aumenta ho capital ne’ebe ita deve, sai bot liu ona. Governo seidauk iha plano ne’ebe forte no sustentável katak investimento hosi divida ne’e,  hetan retornu, no hosi retornu selu fali dividas ne’e, laos selu fali hosi fundo minarai. Atu nune’e ita la tau fundu minarai iha risku ne’ebe a’as liu tan.

Receitas domesticas mos la hatudu situasaun nebe diak  liu iha tinan ida ne’e no iha futuru.  Reseitas domesticas kiik tetebes kompara ho reseitas petrolíferas no continua kiik. Tinan-tinan sae ka iha duni aumento, maibe sae neneik tebes no aumentu ne’e entre $1 ate 2 milhoens de dólares deit. Ho politika reforma iha gestão económica no financeira ne’ebe governo introduz dadaun ne’e, Governo preve ona katak komesa 2017 to’o 2020 sei iha aumento kada tinan entre 9 ate 10 milhoes de dólares. Biar nune’e, to’o 2020 total reseitas domesticas seidauk bele kobre despezas rekorentes, ate salarious e vencimentos dei mos seidauk bele taka hotu. To’o ohin loron faktus hatudu ona katak tinan-tinan reseitas domesticas nunca atingi saída mak previsto iha OGE. Situasaun hanesan ne’e obriga ita recorre ba RSE no leventamento excessivo hosi fundo minarai, ka halo imprestimo.

Situasaun konaba fontes rekurusu ba financiamento hirak ne’e hatudu katak fundo minarai iha medio prazo hasoru risco ne’ebe a’as tebes. Situasaun ida ne’e mos  obriga ita tenke hanoin ona oinsa assegura sustentabilidade orsamental iha medio no longo prazo liu-liu 2022 ba oin.

Sr. Presidente,

Sr. PM,

Caros colegas deputados,

Governo mos consiente no preocupa ho situasaun hirak ne’e. Ne’e duni maka halo Governo trasa política ka estratégia de antecipação da despesas (frontloading), no introduz dadaun ona reforma balu iha nível gestão económica e financeira hanesan: reforma judicial no harmonização legislativa; reforma iha Administracao Publica; Reforma Economica; no reforma fiscal, reforma gestão do desempenho no reforma desempenho orçamental.

Ho estratégia de antecipação da despesas, governo sei halo levantamento excessivos hosi fundo minarai hodi investe iha projetos de alta qualidade hanesan infraestruturas no desenvolvimento de capital humano ne’ebe mak sei lori efeitos duradouro iha economia. Governo fiar katak investimento hirak ne’e maka sei estimula crecimento económico no gera resceitas fiscais barak liu tan no hamenus despesa publica iha longo prazo, ke no fim permite elimina gradualmente levantamento excessivos.

Estrategia ne’e diak, maibe ita bele iha esperanca bainhira halo investimento ida ho prudência no equilibrado iha área chaves, laos deit infraestrutura no educação, maibe tenke investe mos iha agricultura no saude, no investimento hirak ne’e lori duni retorno económico no social maka’as, no wainhira investimento privado barak liu ona investimento publico.

To’o agora, Investimento publico barak ona maka ita halo, maibe problema mak oin sa nia retorno ne’ebe ita hotu hein. Governo rasik seidauk iha mecanismo ida forte atu maximiza retorno por kada dólar gasto. Hanesan exemplo, seitor eletricidade nia reseitas nudar retorno económico sei uitoan tebes compara ho investimento ne’ebe halo tiha ona, nem bele taka despesas de manutensaun no fornesimentu combustível.

Osan barbarak mak Tinan-tinan aloka ona ba  seitor infraestrutura basicas maibe seidauk hatudu resultado ne’ebe mak diak no maximu. Projetos barak mak nia kusto exagerado compara ho volume projeto liu-liu iha projetos plurianuais, tanba ne’e mak resultado uitoan deit, a’at lalais tanba laiha qualidade, nune’e osan barak habokur deit kompania ho nia mafia sira. Situasaun ne’e kontinua maske governo hamosu tiha ona ADN atu halo avaliasaun no monitoriza implementasaun kada projeto. Hatudu katak ita seidauk iha sistema kontrolu ida forte atu assegura kualidade projeto.  Ita hein katak reforma hirak ne’ebe governo halao ne’e bele mos fo solução ba problema hirak neé hodi garante sucesso ba governo nia política de antecipação da despeza.

Problema seluk iha área infraestrutura ne’ebe considera seriu, maka sistema manutensaun ne’ebe inklui mos manutensaun ba património estado  hanesan kareta no sst. Ne’e laos deit tanba problema gestão, maibe mos tanba recursos humanos. Hanesan exemplo, Dala barak ita hare estrada hetan koak ka a’at iha parte balu, la hadia kedas maibe hein to’o estrada ne’e a’at total ona maka halo fali estrada foun.  Se la sala, iha OGE 2016 la tau osan ba manutenção rutina ba estradas no pontes. Karik ita hein tinan tolu hat mai wainhira estrada no pontes a’at total ona maka ita atu halo fila fali foun. 

Iha área Educacao nudar seitor chave ba desevovimento capital humano, ita mos halo ona investimento barak maibe kiik liu kompara ho investimento iha área infraestrutura.  Ita nia politika edukasaun gratuita halo labaraik barak liu iha Timor-leste maka hetan asesu ba prosesu aprendizagem, maibe barak mos seidauk hetan facilidades adekuadu ba aprendizagem, hanesan material didaktica, karteira, biblioteca no falta frofesores kualifikadu. Hare ba taxa partisipasaun labarik sira iha eskola tinan-tinan aumenta, maibe atu hetan kualidade edukasaun ne’ebe diak , sei dok tebes hosi ita hotu nia expectativa. Politika konaba língua de ensino mos sai faktor determinante ba kualidade edukasaun iha Timor-Leste.

Tanba ne’e , além de hadia política konaba língua de ensino, ita tenke investe barak i barak liu tan, hanesan paiz sub desenvolvimento sira seluk ne’ebe investe barak iha seitor educação por exemplo Indonesia aloka osan 20 % hosi OGE ba edukasaun, Nepal 21%.  Maibe, Timor-Leste nia investimento iha edukasaun tinan-tinan varia ho media 9 % deit, enkuantu situasaun edukasaun Timor-Leste nian pior liu rai hotu iha sudeste Asia.

OGE 2016 nian la refeleta política de antecipação da despesa ne’ebe atu investe barak iha desenvolvimento capital humano hanesan mos seitor edukasaun, tanba orçamento ba educação representa 8 % deit. Ho investimento kiik hanesan ne’e difisil tebes atu ita hadia kualidade educação ida ne’ebe diak, ke no fim determina kualidade capital humano no garante ba trabalhadores qualificados atu compete iha mercado de trabalho Nacional ka ASEAN.

Seitor Agricultura la tama hanesan seitor ida ne’ebe atu hetan investimento iha política de antecipação da despeza hosi Governo. Maibe seitor ida ne’e potencial tebes atu hamosu posto de trabalho, no loke oportunidade ba diversificação economia através de substitucao de importações ho exportações iha mercado regional ne’ebe diak. Realidade hatudu katak maioria povu moris iha área rural no sira moris ho agricultura. Nune’e investimento iha agricultura bele tulun povu maioria  hodi kore sira husi kiak no garante segurança alimentar, no hamenus mal-nutrisaun iha ita nia rain.

Governo investe barak ona iha seitor ida ne’e, hodi hadia infraestruturas, fahe fini, fahe trator no equipamentos oioin, fila rai gratuita no programa sst, maibe nia desempenho iha economia nao-petrolifera uitoan los. Ita sei importa fos hosi rai liur atu assegura segurança alimentar. Biar nune’e, nudar seitor ne’ebe importante  no estratégico atu hadia economia  Nacional ita precisa investe barak liu tan.

Relativamente ba reformas ne’ebe Governo introduz tiha ona, ita hein katak reforma sira ne’e hadia eficiência no eficácia iha despeza publica tuir objetivos ne’ebe Governo defini ona.

Sr. Presidente Parlamento Nacional,

Sr. Primeiro Ministro,

Povo Timor-Leste tomak

Ida Ne’e maka anlisa no reflesaun critica hosi Bancada FRETILIN, nudar bancada oposição, ba OGE 2016 nian, hanesan contribuição ida atu assegura sustentabilidade orsamental iha madio longo prazo, hametin base economia no hametin estado Timor-leste. Ita hotu sei hamutuk nafatin hasoru desafiu sira ohin nian no iha oin mai, no lori Timor-Leste ba dalan los desenvolvimento no moris diak ba povu tomak.  HAMUTUK ITA BELE!

Obrigado!!!

!Eh Foho Ramelau